من كَد نوحي وهمي وصبري
مل الصبر ومل النوح
ومليت ابقه وبس اترجه
تريد تسافر امشي وروح
محملني ابحبك منّيه
مو كافي امحملني جروح
شايل حملك فوكَ اجتافي
ولجبالك صرت آنه اسفوح
اكدر اعوفك كلش سهله
وانسه عذابي وانسه النوح
بس شايل حبك والعشره
صاير لجلك مركب نوح
يالناوي اتفلش حيطاني
وعمري العينك صغته اصروح
من يكَطر لجلك شريانه
ومرخص لجلك حتى الروح
تاليها اتجازيني ابهجرك
ومنك عطر الغدر يفوح
ما اكدر اتحمل ثاني
آنه الاترجاك اتروح
