ابوذيآت حسب آلاحرف آلابجديه روعه.. اختار حرفك ^^~

[وسام نوشي]

ابوذيآت حسب آلاحرف آلابجديه روعه.. اختار حرفك ^^~

حرف الالف
المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسيه


حرف الباء
بره المسكوم من علته ....وناداي
وحركت اليابس بهجرك...وناداي
براس اربع طرق لكعد....وناداي
انه المظلوم وانت بدعت بيه


حرف التاء
تظن يبره الجرح عكبك.....ويلتم
جفيت وبالحشى منـــك.....ويل تم
الثريا الها شمل سبعه......ويلتم
وانه واحد حبيبي وشح عليه


حرف الثاء
ثدي الحب يبس ما در ......والك دار
ومحبتك زالت همومي......والك دار
الك عرش انتصب يا اسمر..والك دار
بكلبي ولا لغيرك سكن هيه


حرف الجيم
جره دمعي على الوجنات.......ما دام
على ريم اليدير اقداح..........ما دام
حرام الزنا بالقران............ما دام
من التقبيل لا تبخل عليه


حرف الحاء
حكم سيفك الغـــــدار.......حكمه
ابكلبي وما بقت للصبر....حكمه
كل اللي توله جار .......حكمه
انه عاشك وحكمك جار بيه


حرف الخاء
خالص يا ترف بس الك .....ودنه
لون تسكن بيابي العين ......ودنه
لو بات الترف بحشاي ......ودنه
اكله اكرب يحلو الطول ليه



حرف الدال
دليلي ابنار هجرك طاح .....وهواي
لشك ثوبي وادك واصيح....وهواي
اذا تنكر هيامي عليـــــك ...وهواي
ادموعي اعلى الخدود اشهود هيه


حرف الذال
ذلولي عليك ناحل ......ما بغيره
وسليم الذات اوده ......ما بغيره
صديـجك لو لكيته ......ما بغيره
بجف ارماد بيعه لو تهيه


حرف الراء
روحي بيش اسليها .....كتلها
عليك اني ودمع عيني...كتلها
شبه العيش بالبيده.......كتلها
الظمه ودومن اتحمل الماي هيه


حرف الزاي
زماني ما نطه لروحي .....نفاها
ظلمهه وعن مواطنهه .....نفاها
السفاهه اهل المثل كالو....نفاها
انا اشما سفهت ناري سريه


حرف السين
سكاره احنه ابهوه شوكه......وصحنه
جره دمعي وجرح خدي......وصحنه
غركنه من الدمع صاحوا.....وصحنه
احتركنه وناركم عمت عليه


حرف الشين
شنهو السبب يا مدلول .......مرضيت
وابزعلك اللب احشاي ......مرضيت
الك عاشك انه وانجان......مرضيت
فؤادي اللي غصبته رده ليه


حرف الصاد
صومي لليكول اهواك.......شفته
صبحت وارشفت من الترف..شفته
يكلي افطرت كتله البدر.....شفته
بجبينك حرم كل صومي عليه



حرف الضاد
ضكت حلوك حبيبي وضكت......ما راك
وانه بغي التجافي الحيــــــل.....ما راك
يضيج الصدر يوم البيـــــــه.....ما راك
وينطيني عذولي الحك بديه


حرف الطاء
طريدك لا تطن ياوي......لجنه
انذهل وانياب هجرانك ....لجنه
شمس شبهك انصفها.......لجنه
الك ما انصفك بين البريه


حرف الظاء
ظجر كلبي او دمع العين.......هماي
وراهم يا اجدامي ابشوك....هماي
حجب عن عيني طيب النوم..هماي
اشلون اصفي لزماني الخان بيه


حرف العين
عند البد وفه الانصاب .......كله
علن حربه وعلي ثار........كله
حاجه اتصير عند الجلب....كله
يحجي جليب دير النظر ليه


حرف الغين
غيرك لا تظن بالعين ......حالي
اوريجي عليك مر ما يوم...حالي
بغرامي يالتسل عن شرح ...حالي
اعله كل حال الهوه جتال اليه


حرف الفاء
فكدت اضعونهم واصفج........بياداي
حلت وين ما ادري............بياداي
الكلب هيهات يســــــلاهم.....بياداي
ولا عيني تلذ بالنوم هيه


حرف القاف
قيد الاسر بالرجلين....... صكه
عدونه والهنا بالكاس.....صكه
انهضوا للعلا واكتبوا ....صكه
اوقع بيه تراني اعله المنبه



حرف الكاف
كثروني وزاد الكلب .........لو بات
ومدري انكطع حبل الوصل..لو بات
الكمر ولفي وعندي اليوم ....لو بات
مجنت ارعه الكمر لو زاد ضيه


حرف اللام
لااسمع لا ارى لحجي .......ولاشام
ابشوك الما حوى نجد .........ولا شام
اله سوره ابصحن خده........ولا شام
سوده وبالسويد اثر سجيه


حرف الميم
مصابح ناس عادتني ........اولمسها
واوعيني عن مودتها.........او لمسها
الافاعي بالمس لين.............لمسها
لجن من تجلب ابسما المنيه


حرف النون
نهاني الينم عنك............ وابد منهه
وودك مثل روحي .........وابد منهه
السمه كابلت وجهك........وابد منهه
البدر من ضي سناك انعكس ضيه


حرف الهاء
هله بالي بوداده انكشف .......ستراي
وحوبه الجان الي وياك........ستراي
اجانه بالظلام ايريد............ستراي
انفضحنه ابنور خده اليشع ضيه


حرف الواو
ولك شوك الدليلي......وانت شاكي
الذنب منك عليـــه......وانت شاكي
بليه اسلاح اشوفك.....وانت شاكي
لجن بعيونك سلاح المنيه


حرف الياء
يحادي الظعن بالله عليك......اني
لما يسمع شريج الروح.......اني
لريد اصبر واعلم الصبر.....اني
امر من الصبر فركاك اليه


تحيــٍـٍـٍـٍـٍـ ـٍـٍـٍـآ تـٍـٍـٍـيىآ لـٍـٍـٍـعيــٍـٍـٍـٍـٍـوِنــٍكـٍـٍـٍـٍمـ

[ملكة نفسي]

حرف الميم
مصابح ناس عادتني ........اولمسها
واوعيني عن مودتها.........او لمسها
الافاعي بالمس لين.............لمسها
لجن من تجلب ابسما المنيه

مشكور وسومتي..
مبدع وربي..

[وسام نوشي]

​نورتي ياورده

[»|| مـٱمـوږ ٲلـبـصـڔاويـے ||«]

حرف الميم
مصابح ناس عادتني ........اولمسها
واوعيني عن مودتها.........او لمسها
الافاعي بالمس لين.............لمسها
لجن من تجلب ابسما المنيه

شكرا وسام

دوم الابداع

[مصطفى الديواني]

كثروني وزاد الكلب .........لو بات
ومدري انكطع حبل الوصل..لو بات
الكمر ولفي وعندي اليوم ....لو بات
مجنت ارعه الكمر لو زاد ضيه
روعة

[وسام نوشي]

​منورين ياغالين

[احسانوف]

حرف الالف
المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسيه


عاشت ايدك ياطيب

[العقرب الاسود]

روائع الكلمات تولد بين حروفك

وهمسات المحبين تفوح من كلماتك

وتنبت منها اشواق وحنين المحبين

تحياتي لكي ولقلمك المبدع

في انتظار جديدك

تقديري واعجابي بقلمك وروائعك

[عادل الشويلي]

عاشت ايدككككككككككككككككككككككككككككككككككككككككككككككك كك ياحبيبيييييييييييييييييييييييييييييييييييييييييييي يييي

[(`'•.¸* ღالعـ نور ـيونღ *¸.•'´ )]

حرف الالف
المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسيه
روووووووووووعه