خله يروح كلمن مشتهي فراك

[رحيل القمر 222]

خله يروح كلمن مشتهي فراك

خله يروح كلمن مشتهي فراك
واتلكه الذي يشتهي الملكه
ادين هواي اكو تشتهي الشبكات
بس ياهو اليستاهل تشبكه
التشبكه كون روحه التشبك اعليك
وكون اطيح اديه بساعت الشبكه
يوميه الك صاحب يبذات
ويوميه ويه واحد الك دكه
انت شما عليت انت ذاك انت
النخل مهما عله يخضع العركه
وشنفع علو النخل خل يعلى قاطات
مادام الجهال تلوح عثكه
اومدام الشط نشف مو مشكله الريح
حته الي تهزه ماتغركه
عمر الريح مافتحت البيبان
بس الينفتح جائز تطبكه
انا طبعي سعف ارجف من الريح
بس من اشتعل ليكظني احركه
صبرا عالجرح لاتذرف دموع
لتخلي اليكرهك يملي كاسه
اذا تبجي الوحدك انت خسران
واذا تبجي ارجال انتكاسه
الجرح مومشكله بس اليحز بيك
اليلزمك عالجرح لازم حراسه
اومو كلمن نزف يسمه مجروح
الجرح موبشكثر ذب دم قياسه
اليلكه بجرحه دم صدكني يرتاح
والميلكه دم جرحه بحساسه
اقبل اي جرح بس جرح الاحساس
يضل ينزف عمر لوبشر جاسه
ميضوج الورد لوداسته الناس
بس ايضوج اذا فلاحه داسه
ابني بيت عادي وساسه من طين
ولاتبني قصر والرمل ساسه
اكوواكف نعم بس منحني الراس
واكو طايح لجن مرفوع راسه
كون العين تكدر تقره لوجوه
والخد كون يعرف ياهو باسه
لتباوع الوجهك بلمرايات
الزين يشوف وجهه بعين ناسه

[شاغل البال]

الله الله

روووعة مانقلت شكرا للابداعك الراقي

والكلمات التي اسعملتها

لك مني اجمل التحايا

[منار ومعتز]

كلماتك حلوة من صدك
عاشت الايادي

ودي

[اميرة الشعر]

سلمت ويسلم ذوقك الشعري
تحياتي