بعد المعركه الشعريه
بين العملاقين
( سمير صبيح ) و ( ايهاب المالكي )
وجه الشاعر ايهاب المالكي
قصيدة هجاء الى سمير صبيح
وانا اضعها بين يديكم
اليكبر كون يكبر عقله وياه
وعلى السانه البنادم من تكرمه
والا هل الكبر ما ينفع بشي
اذا تعرض متونه وعقله فصمه
يالمتاني الوحي ينزلك ابيات
انه وحي القصايد عندي رقمه
الو . هسه تجي ولو ما يجي يشوف
وحگ نار التحرگك ظهره افصمه
تتوقعني اريدك صاحب اتصير
انه اليمشي يمك ما اهضمه
سئتلي ومستحه معلمتني ذي قار
هيبه الناصريه والهه حرمه
وانه ضليت سكته متاني ليعاز
الى ان هي گالت گوم الطمه
اديه من المنصه اترست ليط
وشباك التواضع راح ارگمه
لو باقي الكواكب تنسكن ناس
تلگاني بعطارد عندي بصمه
السكت لمن قروله ابياتي خلوه
ميت حرگه چان الله يرحمه
مشيت بقافله الما ترضه ترتاح
ومخلي بگلب شماتي هضمه
الشاعر زحمه من اتشوفه مهزوز
كون اتشوفه قائد دوله عظمه
الشاعر اليخلص عمره تشويت
شنحطله منصه انحطله مرمه