قدر مكتوب حبك من تقسمه
الواحد ماله ناتج من تقسمه
لون بسيوف كلبي من تقسمه
تشوف بحبتك شمسويه بيه
الليالي شهود اذا ناسي وعيدك
بلكي تعود للماضي وعيدك
شعلت شموع ميلادك وعيدك
وفرحت وياك رغم الجرح بيه
حنانك ماوصل مره لحناني
قسه كلبك كسر هجرك حناني
اذا شموع الفرح يمك حنالي
الشموع تذوب وجفوفك بديه
احسك ذاك منته ولاهواني
ولاذاك الهويته ولاهواني
التهيت بغيري انته ولاهواني
بغيرك ما افكر للمنيه
يروح الي نوده من علينه
ونسب كلمن حرمنه ومن علينه
منو ويانه يروحي ومن علينه
تاهت والنبي جذب علينه
وضح من لافاعي من قسمكم
ولاتقسمون كافي من قسمكم
سيف العشره بين من قسمكم
وبين دوركم بالمسرحيه