راح اكتبلكم النقاط اللي اني اتدقني وعود كلولي اتوافقوني عليهن لو لا؟
او عدكم اضافات.................
1- المشي بالجامعة, من يمشن البنات بالجامعة اويلي الله, يعني تطلع روحك الا بيك تعبر وخاصتا اذا اتكون انت مستعجل, وميمشن غير 6 سوية حتى يسدو الشارع فد نوب, واتكول ديتمشون بسويسرا.
2- صعدت ونزلة الدرج, هو الدرج ما بي متر دائماً تلكة ثنين ديسولفون بي, يعني مليكيتو مكان اصغر توكفون بي؟؟
3- من انت بالمحاضرة وواحد يدك الباب, يمد راسة ويطلع يسد الباب, ادري بربك شتريد اتشوف؟؟ قابل انجلينا جوليت دتدرسنا.
4- من تدخل للكافتيريا وكل الميوزة محجوزة, يعني شلون محد عندة محاضرة وتلكاهم من الصبح الى ان يخلص الدوام كاعدين بالكافتيريا لعد شكو جايين؟
5- اكو شباب بس ابنية تكللهم صباح الخير يكلك حبتني, حبك عربيد هذولة هم يخبلوني.
6- من انت تكون جاي 3 ساعات طريق ازدحام, ومن توصل يكلك الاستاذ ما اجة, او اكو اجتماع صدك احس بنفسي اريد احرك القسم.
7- اللبس ولو هذا ذوق الشباب لابسين قمصان خطيه بس فاتحين دكمه كلها عدا الدكمه الاخيره خطيه
يعني لعبان نفس
و اكو شغلتين معقدتني بلبس البنات البوت الوردي وهذه الشفقة الصوف اللي جدي جان يلبس منها بالثمانينات.
8- من يخلص الدوام كل الجامعة يوكفون بالباب, ادري شدتنتظرون هااا؟؟ مترحون هم اتسوون ازدحام وهم اخاف يجي واحد من هذولة المخابيل بحزام ويشيلكم كلكم مثل مصار بالمستنصرية.
9_ من تخلص المحاضرة, كل الصف يكمز يريد يطلع, ومن يطلع يوكف بباب الصف, لعد ليش مستعجلين؟؟ هو احنة العراقيين طلعنا انحب الازدحام لا تكلي ولا اكلك.
اني اكتفي بهذه النقاط انتظركم اشوف انتو اتعانون نفس الشعور لو عدكم اراء ثانية ........................... تحياتي للجميع