أتحدى البعد يجبرني يوم أنساك
و عمت عين الصدف غيرك تشوفني
رغم بعد المسافه وانته ترس العين
و الناس الشفتهم ما أجو جفني
بخيالي شكد صور ماخذلك و لقطات
من اشتاق كلش بيه تسعفني
شلت حبك حرز يحفضني من السوء
و احلف كمت بسمك لليحلفني
أتمنه امتلك طاقية الاخفاء
و اجي لبيتك شبح بس انت تعرفني
أبجي بحضرتك بجيه طفل مفطوم
و اتوسد احضانك لوتجتفني
و اشعلك بالحنان من الجدم للراس
مثل ما انت شاعل ابو الخلفني