+ الرد على الموضوع
النتائج 1 إلى 9 من 9

الموضوع: قصيدة حزينه جدا للعراق و بغداد الحبيبه

  1. #1
    تاريخ التسجيل
    Jul 2012
    الدولة
    ارض الله الواسعه
    المشاركات
    14,437

    افتراضي قصيدة حزينه جدا للعراق و بغداد الحبيبه

    بسمـ اللهـ الرحمنـ الرحيمـ
    السلامـ عليكمـ ورحمة اللهـ وبركاتهـ





    حينما تحسّ ُ انك تستحقّ الحياة .. ولكن لاشئ في الحياة يمنحكَ هذا الحق
    فانتَ عراقي
    حينما تحسّ ان انسانيتك قـد سُـلبتْ منك .. وحياتـُك وحياة ُ اطفالكَ لم تعد تهم احداَ سـواك .
    فانت عراقي
    حينما تحسّ ُ بالمهانةِ لحظة تترك بيتك متوجّها الى اي كوكب في العالم .. خال ٍ من الموتِ والدم والخراب
    فانت عراقي


    ((*رسالة من بغداد إلى كل العراقين*))

    أحــس روحي غريـبـة هنا من يـوم إلتركتــوني
    تانيـــت سنيــــن ودهـــر حتى ترجعــولي
    ثاري العمر كله إنكضـه وإنتم هجــرتـوني
    لميــت جــروح القـلب ونشفـــت دمــوعــــي

    وبثـوب الحزن غنيــت يا لرحــتوا سمعـوني
    بغــداد ذكروني إبوكت وكلمة إكتبـوني




    ((*الوطن مفقود*))

    مريت وكت العصر ،، متعني يم حمود
    خدرلي جاي وبجه ،، وسولف سوالف سود
    كال انته من ياسلف ،، كتله ابفرات الجود
    دورته بالخارطة لن الوطن مفقود



    ومريت للمدرسة اتامل الطلاب
    شو شفت طالب بجه وحط بين اديه كتاب
    بيه خارطة للوطن وعيونه كله عتاب
    كتله ابني كافي البجي بالصف تره ممنوع
    يابويه بعدك طفل وتبجي بقلب مفجوع
    كال انه بالخارطه الكيت الوطن مبيوع




    ((*ممنوع الفرح*))
    متواعد ويه الفرح
    والوعد صارله سنين
    لا مر علي بحلم
    ولا شفته شوف عين
    ناشدت وين الفرح؟
    كالولي متأسفين
    ممنوع هسه الفرح ،، عن كل العراقيين


    ((*وطن بالايجـــار*))
    حمودي أبني كبر
    بصف الأول صار
    شنطوه أول درس ؟
    أنطوه دور ودار
    ردني وسألني الطفل
    شتعني بابا الدار ؟
    كتلة الدار يعني الوطن
    والدور يعني الجار
    كَالّي غرفتنا بابا وطن ؟
    كَتله أي بابا
    غرفتنا وطن ،، وطن
    بس وطن
    بالأيجــــــار







    ((*إعلان هام *))


    فقد وطن أخضر اللون يدعى وادي الرافدين
    يرتدي مليون نخله وأهوار بحجم معاناته
    عمره آلاف السنين
    يتجول في أزقته الموت
    كان ملاذاً للخائفين وأصبح خوفا للآمنين
    تزين أرصفته دماء الأطفال الأبرياء
    الذاهبين إلى المدارس
    ليتعلموا كيف تكتب كلمه وطن
    فعلى من يعثر عليه أن يصلي من اجله
    ويضمد جراحه اللهم احفظه وأهله الطيبين (امين)



    ((*دعوة الى العراقيين*))


    ندعي سوه و احنه بهل الشدة ،، ربي كل باب حزن مفتوح رده
    و كل تدفق دم يا ربي سده ،، و كافي ياموت سيفك كاعد اتحده
    مو صبرنا بصبر ايوب و جده ،، و صبرنه سنين تره وصل حده
    مد يا فرح شوي فراشك مده
    .شو امكطع خيوطك وجم عكدة و عكدة
    آخ شكد جثث بعد تحملين يا سده
    و شكد يا فرات شوكك لدجله
    حزني جبير و ما واصل حزن كده
    واذا في يوم الدمع نكر خده ،، واذا في يوم البحر نكر مده
    و اذا في يوم الشتا نكر برده
    و الصيف صار الثلج عنده ،، ما انسى العراق و لا انسى شمته
    يكلولي بس الموت هذا العراق عنده
    اموت بحضن العراق تره ماكو وطن بعده
    لا والله ماكو وطن بعده
    لا والله ماكو وطن بعده




    ((*سنة وشيعة*))


    عموري ابني طلع مارد اله يومين
    سالت كل البشر عموري ابني وين
    كلمن يجاوب شكل زين الجواب وشين
    واحد يكول معتقل يطلع بعد سنتين
    واحد حجالي عمر اعرف طريقه منين
    وداني للمشرحه وكالي دور على ابنك هين
    ولكيت 100 عمر ولكيت 100 حسين
    ولكيت كل الوطن يلطم على الخدين
    مادام نبجي سوى منهو الكتل الاثنين
    مادام نبجي سوى منهو الكتل الاثنين







    ((*يا محلى بغداد*))


    احلى شي اببغداد لمن يصير غروب
    فوق الجسر تمشي انته والمحبوب
    ودجله تحظنك حضن وتحس العمر مافات
    وشكد حلوه لمت هلك وياهم تتعشى بالكريعات
    ولو تجي وتفتر بعد وتدخل على المنصور
    طيبة وحنان وعشق واحلى طيور
    والعيد عدنه حلو الله ياعيدي
    يلله...خلي نقارن سوه !!
    وايدك تضل بيدي .!.!
    ايفل وبرجه..ومكه مول واهله
    ومول الامارات وابن بطوطه
    واهل لندن وكل تكساس
    يرحون فدوه ونذر لشارع ابو نؤاس


    تحياتيـ لكمـ ،، اتمنـى ان تنــال اعجابكمـ


  2. #2
    تاريخ التسجيل
    May 2012
    الدولة
    العراق
    المشاركات
    7,333

    افتراضي

    شكرا جزيلا حبيبتي
    الوقوف على ضفاف حروفكي مُتعة في حد ذاتها..
    تقبلي تقديري واحترامي


  3. #3
    الصورة الرمزية هند التكريتي
    هند التكريتي غير متواجد حالياً ~ نائبه المدير العام لشوؤن المشرفين والتقيم ~
    تاريخ التسجيل
    Dec 2009
    الدولة
    ~ مدينه تربى بيها الابطال ~
    المشاركات
    46,212

    افتراضي

    شي رووووووعه كولش
    عااااااشت الاياااااااااااادي

  4. #4
    تاريخ التسجيل
    Mar 2012
    الدولة
    من عالم الخيال
    المشاركات
    16,422

    افتراضي

    احسنتي اختي كلمااااااااااات رااااااااااااااااااااااقية

  5. #5
    تاريخ التسجيل
    Jan 2013
    الدولة
    الــــــــِــصــًًُــــرة
    المشاركات
    91

    افتراضي

    تحية معطرة بالورد أهديها إليكِ
    كم يسعدني دوما ان اري هذا النزف الرائع الجميل "
    فاعجز عن شكر على كل ما تخطه أناملكِ الذهبيه
    وما يتدفق من حبركِ العطر

  6. #6
    تاريخ التسجيل
    Dec 2009
    الدولة
    العراق الغالي
    المشاركات
    9,043

    افتراضي

    يـ عذبةَِ الحرف
    من القلب أثني عليكِ
    وَ على حرفكِ الطاهر كـ أنتي
    لـِ روحكِ مني الفُ تحيه
    وَ دعوة لـ رب السمآء
    أن يحفظكِ
    كوني بأمان
    مر من هنا
    العقرب الاسود


  7. #7
    تاريخ التسجيل
    Jan 2011
    الدولة
    ديالى الخير - بعقوبة الوفاء
    المشاركات
    47,482

    افتراضي

    في سماء الإبداع حلقتي
    ولأجمل موضوع طرحتي
    ولا تحرمينا من تميزك وإبداعك
    ودمت بحفظ من الله ورعايته


  8. #8
    تاريخ التسجيل
    Feb 2016
    الدولة
    العراق
    المشاركات
    1

    افتراضي

    روعة انشاء الله البداع الدائم

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. مشاركات: 21
    آخر مشاركة: 27-04-2012, 03:32 PM
  2. زيباري: قمة بغداد نجاح سياسي وديبلوماسي ولوجستي وأمني للعراق
    بواسطة كـآبـتـن عـلـي في المنتدى الاخبار والسياسة
    مشاركات: 11
    آخر مشاركة: 18-04-2012, 05:54 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك