شعر حزين عراقي جديد 2013

[Ownèř Ǿf Ħëǻřts]

كبرت اعله الــــــــــــــــفراك وشيبت بجفاك
وجت واستني ناس وناس بيه تلـــــــــــــوم
وصبح جن قلعه ظلمه الـــــعقل من مشيت
وتجي ادور الضنون براســــــــــي مثل البوم
يمر بيه النهار وانه اعد جـــــــــــــــــــــروح
يجني الليل اظل انوب اعد نجــــــــــــــــوم
عفتني انت مثل جثه بوســــــــــــط صحراء
ومو غربان اجت شمات فـــــــــــوكي تحوم
كمت انغث اذا كلـــــــــــــولي شاعر شاب
انه تكعد وياي الشاعر الـــــــــــــــــمرحوم
امر وسمع حجي الشمــــــــات عني تكول
شوف شلون صاير باقي بس هـــــــــــدوم
يالمخلص الليل بحضن غيــــــــــــري تبات
عندي الليل يخلص حسره وام كلــــــــثوم
اسمع (انت عمري)اذكر كلتها هـــــــــواي
انه لو صدك عمرك بيه ليش تســـــــــــوم
حتى احلامي جنت ارســــــمها بس وياك
لان ضنيت حبي وحبـــــــــــــك يظل دوم
ثق لو ادري بيك تخون ماحبيــــــــــــــــت
انه شمدريني عشكك (عشك ليله ويوم)
يحسدونه كبل جي جنه منسجــــــمين
ولو ما نختلف بالشكل كالــــــــــــــو توم
يالشديت جفني بجدمـــــــك منمشيت
ردلي الخاطر الله وخل اشوف الــــــــنوم
اطلعلك جروحي ابابك استعـــــــــــراض
وشرط ماودي بيهن جرح ما مـــــــلجوم
شغل ايدك بعد وتعرفه كلـــــــــش زين
موبس خنجرك فركاك هم مســــــــموم
البكه براسك كلتلك من ضميرك مـــــات
الله يرحمه كالو بالعشــــــــــــك معدوم

[أحمد علم دار]

عاشت ايدك اخويه
استمر بالتالق

[Ownèř Ǿf Ħëǻřts]

شكرا خيو وانشاء الله راح تعجبكم منشوراتي القادمه

[Ownèř Ǿf Ħëǻřts]

ولو خيو يدللو يسلموا على مرورك الجميل

[غزالة شاردة]

رووووووووعة
يسلمو خيو ....