انا شتاگيت لذيج ايامي وياك
وشتاگيت لسهرنه ولحچينه
فاگدتك هوايه واتمنى ترد اردود
سهرات العشك بأحلى ليالينه
شمحلاته الحچي من تحچي وياي
ومن نزعل حبيبي الضحكه تراضينه
راحت هاليالي ومااضنها تعود
لآن لينكسر ياروحي بسهوله ماتصلحينه
ابد منام چنه ونبقى سهرانين
وتضل اصواتنه هيه التغفينه
وهسه بعاد صرنه ومثل الاغراب
وماچن نعرف بعضنه لو تحاچينه
بينه يصير هيجي ليش يهواي
صبح حبنه جريمه لمن حبينه
ليش الحب جريمه وغلطه عدهالناس
والعاشگ بنضرهم مثل الكافر بدينه
الحب من الله نزل يطهر الگلوب
ويمحي كل حقد بالگلب خافينه
مو ذنب العشك مو غلطه اليحبون
والعاشك مثل المجرم تحاسبونه
الله وانبيائه حلل الحب
وخديجه تزوجت عن حب نبينه
وشحجي عن زليخه وعشكها ليوسف الصديق
واكبر عاشك يم عشكها صغير تشوفونه
مظلوم اليحب ويهوه بالهزمن هاذ
تفرگونه حبه وتجرحونه بإحد سجينه
وبالحب ابد اي قصص مدوم
وماغلطوا ابد لون قصه مسمينه
لان يدرون القصص شما تطول اطول
تنتهي نهايتها فرح لو نهايتها حزينه
بس بالحب النهايه وحده والتفاصيل هواي
ننهيها بحزن وتضل اشواقنه تأذينه
صح قصة عشگنه تنتهي بلحظات
بس ماينتهي حبنه لو بچفن نلفينه
تحاربنه شكثر من كل جهه وكل صوب
وهزونه شكثر ومانهزينه
ومع كل هذا انا خايفه من الجاي
وخاف بحزن وفراگ ودمعات يصير تالينه
وانه ادعي القدير بكل مسيه وغروب
توگف وي كل حب طاهر تنصره وتعينه
2014-5-1 حنين السليطي
تحياتي ...