+ الرد على الموضوع
النتائج 1 إلى 10 من 10

الموضوع: عندما اجلس وحدي

  1. #1
    تاريخ التسجيل
    Aug 2015
    الدولة
    العراق
    المشاركات
    85

    Awt9 عندما اجلس وحدي

    امي تقول لي الا اجلس وحيدة لكي لا اصبح انطوائيه
    وعندما اخالطهم اشعر وكأني غريبه او اجعل نفسي محط سخريتهم لي'
    اعود وحيدة اجلس واكتب بعض من الخواطر والقصص وارسم،
    ولكن امي تؤنبني وتضغط علي بأنما افعله هو مجرد خزعبلات طفولية ،مزقت
    كل ذكريات ورسومات وحرمتني من الدراسه
    مالعمل احتاج الى نصيحه جزاكم الله خير
    "عضوة جديده"

  2. #2
    تاريخ التسجيل
    Nov 2010
    الدولة
    البَصرة ❤)'
    المشاركات
    21,368

    افتراضي

    أكيد والدتچ تحبچ وحريصه عليچ لذلك تريدچ تگعدين يمهم وتشاركيهم ضحكتهم وسوالفهم وكُل الأمهات هيچ ،
    يمكن انتي معندچ خوات بس اخوان اولاد لذلك تحسين نفسچ وحيده ، حاولي انو تكونين قريبه لوالدتچ خليهه تكون مو بس ام خليهه تكون الچ بمثابة صديقه احجي وياهه شرحيلها السبب اللي ميخليچ تگعدين يمهم ، واذا سخرو منچ او شي فهذا مو لأنو ميحبوچ بس يمكن ميفهموچ لأنو انتي بعيده عليهم وماتشاركيهم
    اما سبب منع والدتچ من انو تكملين دراسة هذا مفهمته ، بس يمكن هيَ عبالهه انو هذا تأثير الدراسة او صديقات الدراسة اللي خلاچ تنعزلين عنهم ...

  3. #3
    تاريخ التسجيل
    Aug 2015
    الدولة
    العراق
    المشاركات
    85

    افتراضي

    كلامج صح عزيزتي وشكرا لردج بس اني فكرت بكلامج
    فهمت ان كل ام تعدل بين بناتها وقارنت وماشفت ان والدتي عادله وياي
    وابسط شي هي تفضل اخواتي الاصغر مني علي ومن اكتب خواطر لان احس نفسي غريبه وياهم احسها تهيني وتلط علي وماتكول بنتي الجبيره ميصير اهينه . كدام اخواتها ..حته ماخلتلي احترام...اني تطلقت واخذو بنتي مني كلزا اريد اتقرب لامي واشكيلها تبعدني ععنها
    بالتالي قررت ارجع للدراسه تلقيت منها رد قاسي ...لايام افكر انتحر وارجع لخاطر بنتي
    مهماحاولت تبقى تكرهني لان بلسانها كالت ما احبج والسبب ماتدري ولا اني ادري،،،وشغلات كثيره تبقى سريه������

  4. #4
    تاريخ التسجيل
    Nov 2010
    الدولة
    البَصرة ❤)'
    المشاركات
    21,368

    افتراضي

    ميخالف أختي صبري ، أكيد أكو فد سبب أو مُبرر لتصرفاتهه
    بعدين الأنتحار مو حل لأي مشكلة ، إتمسكي بالحياة اذا مو علمودچ لخاطر بنتچ والأشياء اللي متقبلتهه والدتچ منچ حاولي انتي تصححيها ويه بنتچ وكوني قدوة الها بالصبر والقوة
    وكلشي انتي مگدرتي تحققي بعلاقتچ ويه والدتچ حاولي تصححي بالمستقبل ، بعدين لا تأيسين من رحمة رب العالمين لو كل الناس يصيرون ضدچ الله مراح يتركچ بس انتي تفائلي وخلي ظنچ برب العالمين خير وراح يرزقچ كُل الخير ان شاء الله ،
    بس أحب اوضح شي هل أنو علاقتكم من الأول چانت هيچ لو بعد ما انفصلتي ، يمكن دتتصرف هيچ لأنو تريد مصلحتچ وتخاف عليچ وتريدچ ترجعين او شي !
    المهم حبيبتي ما الچ غير الصبر والثقة برب العالمين ، وأسفة ع الاطالة

  5. #5
    تاريخ التسجيل
    Dec 2009
    الدولة
    في عالم الاشباح
    المشاركات
    18,140

    افتراضي

    صديقة جديد يمكن وضعنا مو احسن من وضعك ومن مشاكلج ولكن يمكن نصيحة من عندنا تغير حياتج للافضل ... اني اساعدج حسب تجربتي مع امي وتصرفاته معي ... اني مااكول اطلعي من طوع امك .. ولكن اكو اشياء امهات ميعرفو مايحس بيه بناتهم .. اذا انتي تهتمي بالشعر والخواطر لاتتركيها اكتبي وارسمي لاتتاثري بكلام امك انتي متعملي شي غلط لان كتابة يجلعك تحس بحرية وتحس ان القلم هو شي وحيد حقيقي موجود بدنيا لانه يعبر مابداخلج ... اما بالنسبة انعزال لا هذه مو معكي اجلسي معهم اذا شفت شي غلط منهم لاتسكتي دافعي عن نفسكي كوني قوية لاتجعلي احد يستغل طيبتك ولا تجعلي يهزوا مشاعرك لتكوني ضعيفة ... انتي احسن واقوة مابينهم دائمااا الانسان ناجح وعاقل وفاهم يجعله عرضة للسخرية ما حولهم ليس كرها له ولكن يغارون منها لان فيكي شي ماعندهم هم هالشي ..... اتمنى تكوني بخير ولا تتاثر بأي شي بالحياة لان محد بيها اكبر من الاخر كلنا مثل بعض ........ مع شكري وتقدير

  6. #6
    تاريخ التسجيل
    Aug 2015
    الدولة
    العراق
    المشاركات
    85

    افتراضي

    والله صابره والحمد لله واني اتمنى اصير لبنتي قدوة تقتدي بيه وادللها حسب مايرضي الله بس لو ترجعلي... اني علاقتي بامي غريبه من جان عمري٦سنين بحيث جنت اعتقد اني اتوهم انها تكرهني او تتعقد مني بس بعدين توالت الاحداث وصارت ماصخه كلش ...والله كريم شكرا لك عزيزتي ع رفع معنوياتي��

  7. #7
    تاريخ التسجيل
    Aug 2015
    الدولة
    العراق
    المشاركات
    85

    افتراضي

    عزيزتي ....شكرا لكلامك الجميل واكيد اني اكول ان حالي احسن من حال بعض البنات هم مضلومات اجوز اكثر مني ... بس اني كدرت اوصل للمنتدى واشاركم همومي وبعض من حياتي...اضل اكتب وارسم لان هو كل مالدي واحاول ادافع عن نفسي كدامهم بس جاي اشوف انهن يكرهوني مع كل حرف انطقه...قررت ارجع لطليقي بسبب سؤء معاملتهم الي بس هم واكفين بدربي مايخلوني ارجعله مع العلم هو يريدني اقصد طليقي يريدني ارجعله بس شسوي امي مانعه رجوعي اله وفراك بنتي ياكل بروحي#

  8. #8
    تاريخ التسجيل
    Jan 2011
    الدولة
    ديالى الخير - بعقوبة الوفاء
    المشاركات
    47,482

    افتراضي

    اهلا وسهلا اختي
    امك اكيد تحبك وتريد مصلحتك
    وماكو شخص مايمر بمشاكل وامور ومواقف وظروف عصيبه ومؤذيه ومحيره بعض الاحيان
    لكن كل منا عنده ضروف مر بيها وتجاوزها لهذا نصيحتي لك وانتي الان بعمر مراهق لاتعتبري كل كلام من الاكبر منك هو تجاوز او فرض رأي هم اكبر منك وافهم منك عزيزتي
    كلنا اخوتك ونتكلم لمصلحتك
    وماكو اهل يكرهون بتهم او ابنهم بالعكس الكل تريد تشوف ابنها او بنتهم باعلى واحسن مكان يفتخرون بي
    لهذا لا تكوني انطوائيه بل كوني اجتماعيه

    لكن سؤالي ؟ هل انتي بهذا وضعك طبيعيه او بسبب ضرف او مشكلة او امر ما جعلك تكونين انطوائيه منفرده

    تحياتي

  9. #9
    تاريخ التسجيل
    Aug 2015
    الدولة
    العراق
    المشاركات
    85

    افتراضي

    اخي احمد علم دار اولا شكرا لمرورك
    وثانيا شكرا للنصيحه التي جعلتني افكر بها
    وثالثا انا عمري٢٢ ولست مراهقه ولي الحق بفعل ماريد بمايرضي الله
    توضيحا لك...اني من كنت زغيره معامله امي الي مثل معامله الغريبه للغريب
    اني احب ارسم هي تهبط من معنوياتي وتهيني لو جلست ارسم
    فكرت اسويلها كلشي بس ماكو فايده
    اتجهت للقصص بسبب حالتي النفسيه...
    كذلك زادت علي صعوبه بالكتابه لما مزقت. كل قصصي و مزقت روحي بكلامها الجارح
    حاولت اتغاضى واسكت ..بس وصل بيها الامر تطعن بشرفي و خلتني اترك المدرسه واقبل باي خطيب تقدملي للهروب من سؤء المعامله
    عندها تطلقت من زوجي حيث قال لي امك طردتني من منزل ابوكي بعد ماعندج عيشه يمي ادري بيج فقيره بس اني ماكدر اتحمل اهانة امج الي
    ماقلت له شي ووافقت على الطلاق لان مدام ادي وراي مايطول غطاي مو صح؟
    اخذ بنتي مني وامي تكل . مو بس انتي تترك اطفالها اكو هواي شنو متعجبه
    من ابجي تهيني وتضربني وكأني زغيره
    اخواتي ازغر مني مايحترمني والسبب ان امي. تكللهم شبيدكم يطلع عليها سووه
    اوك شنو الحل...
    زوجي يريد يرجعني اله
    امي معارضه كلش واني رايدته وهو رايدني وصرخت اريده
    اتفقو علي يقتلوني لو عدتها وطلبت الرجوع
    اني متعذبه وصارلي يومين مامأكله شي ومحد يهتم شنو الحل...��

  10. #10
    تاريخ التسجيل
    Nov 2011
    المشاركات
    12,901

    افتراضي

    هاي حياتج انتي ومن حقج تعيشيه مثل ما تردين طالما متخالفين لا شرع ولا تقاليد الافضل ان تتفقين وياه وترجعين لزوجج ابو بنتج
    حرام الطفله تتمزق بين ابوه وامه واهلج اكيد في يوم من الايام حيفتهموج ويباركون خطوتج مدي ايدج لزوجج واستعيدي اسرتج
    محد يفيدج تحياتي

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. ​‏​أيحق ﻟي البكاء عندما لاا أستطيع تحمل الألم وحدي
    بواسطة أحمد علم دار في المنتدى خواطر ومدونات الاعضاء
    مشاركات: 10
    آخر مشاركة: 10-08-2015, 08:35 AM
  2. عندما اكون لـ وحدي ..
    بواسطة عاشقة الساهر في المنتدى المواضيع العامة
    مشاركات: 8
    آخر مشاركة: 22-12-2011, 11:38 AM
  3. تَعَال اجلس
    بواسطة *My angel the nice*H في المنتدى الديكور
    مشاركات: 5
    آخر مشاركة: 05-07-2011, 04:25 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك