+ الرد على الموضوع
النتائج 1 إلى 6 من 6

الموضوع: الحـــــــــــــــــــــــــــب

  1. #1
    تاريخ التسجيل
    Dec 2009
    الدولة
    في اغلى بلدان العالم
    المشاركات
    1,049

    Roor الحـــــــــــــــــــــــــــب

    الحب


    شنو الحب؟
    و شكد ممكن يكون جبير؟
    شنو حدوده؟
    مجرب/مجربة حب بحياتكم بحيث كلتو مصاير هيج حب اكثر من الاحبه آني؟
    هواية من عدنة داخلين بعلاقات حب بمختلف الانواع .. طرف واحد طرفين انترنت تليفون مطعم موعد انواع اشكال



    وصل بيك/ج الحد انو تكولون لو شنو ما هاذة الانسان يسويلي، رح اظل ويا؟
    لو خانني، لو اكل موطة بوحده بلياية، لو راح حفلة آني مرحتلهة، لو اتخذ قرار مهم مستشارني بي، لو ضيع فلوس مالي، لو راح نام وية غير انسان/ة



    تسامحه اذا اعتذرلك؟ و هوة حياتك كلهة و لو تعوفه حياتك رسمياً تنتهي لئن هوة جان كل حياتك؟ بعيد عن التكبر، هاي مرحلة الكلب ينسة بيهة كل تكبر و كرامة و عزة ورة ميشتاق


    اجاك يعتذر و يتوسل .. بصدق .. مبين بعينه .. و هوة حياتك كلهة .. تسامحه؟


    آني اسامح .. و تعالو وياية و انتو هم سامحو


    زين


    اذا معتذر .. تسامحو؟ هوة الحياة كلهة .. تخلو بكل سهولة يضيع من ايدكم لئن هوة ديختار خيار غبي؟


    آني اسامح .. و رح اكول انتو هم سامحتو


    زين ..


    اذا مرادكم اصلا؟ مرادكم قريبين منة .. هاذة الشخص اللي تعبدو ورة الله .. تموت/ين عليه موت .. ميريدك يمة ولا يريدك يشوف خلقتك .. ولا هَمّه يعتذر ولا اصلا شاعر انو سوة شي غلط


    و فوكاهة نكر حبك و غلط عليك و كلك روح ماريدك انت هيجي هيجي هيجي


    و انت توكف كلش مجروح هنا .. جرحك يوكفك .. و كلبك يكوللك لتخلي يسوي هل غلطة هوة ميعرف شدة يسوي


    بس تكول بنفسك .. هوة ميريدني .. رح احترم اللي هوة يريده و تخلي مسافتك بينك و بينه و متزعجه بعد


    هاي قصة حب حقيقية بين بنية و ولد


    اتساءل .. الله شكد يحبنه ؟ اكيد ماكو لحبه حدود


    بس يعني شكد ؟


    لدرجة انو انصلب عل صليب


    بس ؟


    لا مو بس .. هوة اندكت ايده و رجله و انجرح جانبه لئن يحبنة اكثر مما اي واحد حب شخص ثاني .. و احنة اللي يحبنه من كل كلبه .. اللي احنه اعز شي عنده بحياته .. نكرناه و فشرنة عليه و اهننا و صلبنا و ارتكبنة خطايا بحقه و بين قوسين طببينة ببطنة و طلعنة من جهة اللخ و كسرنة كل قوانين الحب بين الحبايب و عفنا و كننالة منريدك بعد


    احنة خننا .. و معتذرنة و غلطنة عليه و عفنا وحده


    بس معافنة .. ورة كل قسوة كلبنة .. كل فترة ينزل نفسه و ييجي يدك الباب و يكول احبك و هوة يعرف انت رح تطرده من بيتك و تجرحة


    و ييجي مع انو يعرف رح ينجرح من قبل اكثر شخص يحبه .. و يعرف الجرح كلش مؤلم .. بس حبه يغلبه .. ميكدر يتخيلنة وحدنة و وحيدين و ضعفاء .. ميتحمل .. يشوفنة نحتاجه ييجي .. يعرض المساعدة حتة لو يعرف رح نرفضهة


    حبيت هيجي حب كبل؟


    تكدر تحب هيجي ؟


    اي تكدر .. لئن الله - اله المحبة الرهيب .. اللي نفسه انصلب و سوة اعظم عمل محبة بل تاريخ - ساكن بيك .. و ينطيلك حب حب حب و حبه ميخلص .. فحبك هم ميخلص


    حاول تحب الغير مثل ما يسوع حبك


    طبعا هية صعبة بس ابدي بل سهل .. حاول اول شي وية اكثر شخص انت تحبه هسة ( حبيب .. ام .. اب .. اخ .. مدرس ) و نمّي حبك اله مثل ما يسوع حبك .. من تشوف نفسك كلش كلش كلش تحبه و هوة كل حياتك .. انت هسة دتحب شبيه بحب يسوع ( الحب هو ان يبذل الانسان نفسه عن احبائه ) .. من توصل هل مرحلة .. ابدي حاول تحب الكل .. وسع الدائرة شوية شوية .. و كل متصير عصبي علة شخص او تضوج منة و المحبة تريد تطير .. تذكر اكثر شخص تحبه .. و صفاته الحلوة و لحظات ضعفه و اخطائه الغبية الغير مقصودة .. و فكر انو هاذة الانسان الديضوجك اكيد عنده صفات حلوة و تنحب .. و مجرد ديسوي غلط هسة و حاول تحبه :)شط العرب

    مستعد هسة تنصلب من اجل الشخص اللي تحبه و يحبك؟
    مستعد هسة تنصلب من اجل الشخص اللي تحبه و ميحبك؟


  2. #2
    تاريخ التسجيل
    Aug 2010
    الدولة
    في مكان الحزن يكون السيد فيه
    المشاركات
    992

    افتراضي

    عاشت ايدج ع هدا الموضوع اكو هواي بقلبي كلام واتمنى اكوله بس؟؟؟؟؟؟

  3. #3
    الصورة الرمزية هند التكريتي
    هند التكريتي غير متواجد حالياً ~ نائبه المدير العام لشوؤن المشرفين والتقيم ~
    تاريخ التسجيل
    Dec 2009
    الدولة
    ~ مدينه تربى بيها الابطال ~
    المشاركات
    46,212

    افتراضي

    عاشت الايادي

    دوم هالابداع


    ننتضر القادم بفارغ الصبر

    تحياتي

  4. #4
    تاريخ التسجيل
    Jan 2010
    الدولة
    USA
    المشاركات
    2,594

    افتراضي

    روووعه

    دمتي بمحبه العذراء مريم

+ الرد على الموضوع

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك