قصائد للشاعر ضياء الميالي

[سنفورة الحب 2010]

°ˆ~¤®§(§ صاحب طويلة §)§®¤~ˆ°

مو صاحب طويله اوياك احنه اثنين مختلفين

ضميتك دمع يفلان واحتاجت بواجي العين

حضر روحك من اليوم اني اوياك مفترقين

من رسمك غسلت العين صدقني ومحيت اسمك

يالوردك ذبل هيهات تدنه النفس واشتمك

ميفيد الحجي التحجيه أصلاً بالي مو يمك

لم روحك الليله وروح وابعد قبل ما اعوفك

مليتك صرت يفلان أشوف العمه ولا أشوفك

************************************
°ˆ~¤®§(§ مو حلو §)§®¤~ˆ°

يكولون عنك مو حلو بس انت بعيوني كمر

دمك مثل لون الورد ومنكع بهيل وشكر

ياريحة اورود الصبح يالذة عيون السهر

بشفافي لميت الخمر كله ودنيت لشفتك

شو من وصل يم شفتك خمري سكر

وردت أفرش عيوني اعله طولك مكدرت

من يكدر بعينه يلم طول النهر ؟

واتعذرت .. ما أكتب بوصفك شعر

ولا أرسم لوجهك صور

هو اليشوفك هم يضل عده عقل

يكتب شعر يرسم صور ؟

وصدكني يالوحة حسن كلمن يملك مو حلو

والله ما عنده نظر

انت الهوى هذا الهوى يتمنى ماشه يصير الك

يتعلك بطرف الشعر
*********************************

°ˆ~¤®§(§ وقت العتب §)§®¤~ˆ°

يجي وكت العتب واتعاتب اوياك

واخليهن بديك اذنوبك اوياي

انا الشلتك جمر يحرك بالجفوف

واضل خايف عليك يلوحك الماي

أثر سهم المضه منك أداويه

وأحضرلي مكان لسهمك الجاي

أتلكه الحزن منك وأهم بيك

ويا ملكه اليسرك مثل ملكاي

مثل صبيره أموت من العطش موت

أشرب دمعتي وما أخسرك الماي

وكل روحي صبر واتحمل جروح

اجرح لاتخاف اتحمل اهواي

صبيره وصديقي العطش يفلان

حسبالك أذل من تكطع الماي ؟

هينه شما شفت منك أجازيك

أردها اضعاف الك دكاتك اوياي

شجره اني وأكيد تردلي فد يوم

من أدكك شمس وادور افياي

تاخذ يسرتي ساعتها يفلان

كل زين الالك منطيته يمناي

اتحاسب اوياك الجرح بثنين

أعوف الراح الك بس أخذ الجاي


اتمنى تعجبكم .................تحياتي

[احلاهم واتحداهم]

يعطيييك ااالف عااافيه

[روح الغلا]

جميــــــــــــــــــــــــل يعطيك اللـــــــــــه
ألـــــــــــــــــــف عـــــــــــافيـــــــــة
تحـــــــــــــياتــــــــي لكـــــــــــــ

[المحقق الجنائي]

شكرا لكي على هذا الابداع

[شرقية الهوى]

تسلمين يا ورده روووووووووووعه

[ﬗζدقـہـآتہ قـہلـہبـہہζﬗ]

ررررررررررررررررروعه

كلمات جميله

[صافيووووو]

شوووووكرا وعاشت الايادي

[العقرب الاسود]

اخي العزيز ابيات رائعه وراقيه
سلمت يداك ودام لنا نزف قلمك الرائع ,
تقبل تحياتي وتقديري واتمنى لك الصحة والعافية الدائمه
دمت بحفظ ورعاية المولى
مر من هنا
العقرب الاسود

[ألمير]

كلمات غايه بالروعه ...

[الى متى]

موضوعراقي وكلام روعة تسلم