الموضوع: ياأول عشگ لاتنشد الدمعات......

ياأول عشگ لاتنشد الدمعات

مايحتاج اخبرك عن هوانه الفات
وشلون ابهوانه الليل ظل يلمع
يالعب الطفوله وضحك الحديثات
اگعد بالگلب وبزودك اتربع
شوگ الروح غافي ابشامة الوجنات
ولسان الخجل بالمستحه امگبع
ياأول عشگ لاتنشد الدمعات
هاك اقره اشكتب من وشـّل المدمع
خط اسمك فرح فوگ النجوم ايبات
يشرب كاس حزني وينتشي ويهجع
وانه اعيون مربوطه ابحبل صفنات
وعيونك بحر ومن البحر اوسع
يامد وجزر مابيـّه للموجات
ولريح الهجر ماظل زند يدفع
حل ليل المحنـّه وحلـّـت الآهات
وخيام الصبر ترجه الگمر يطلع
يامبعد سماي امحمـّـل احچايات
شوگ الروح بيها ايريّع ويشبع
يمدلل زرعتك دايه من دايات
والفلاح يرجه اثمار من يزرع
موبس رايه بيضه الجيتك رايات
بدروب الوفه الما نوّرت ارفع
وبمسجد هواك اقرالك الآيات
وسْجد كل مسه ومصباح بي واركع
عذبني الفرح من مر بالولايات
يضحك والشوارع بالجدم ترضع
والحيطان صارت للوجه امرايات
والگاع انتفض شريانها ونبـّـع
وعيون الشماته اتدور الوگعات
ترصد مشيتك وتنيشن ابمدفع
وانه انظر دليلي ابموگد الحسبات
يلهب وبجمر فرگاك يتفرگع
وسفه اهروش عمري الچانن امحملات
ماتن وانكسر ذاك الگبل فرّع
يهلال السعاده اشمال عيدك مات
ولغيم الكدر گبل النجم تخضع
خطيتك اسم ماينمسح هيهات
يتجدد لون بيك الگلب يسمع
مفضوح العشگ واسراره مفضوحات
ماينظم هوه العشرين من يصگع
حيرني الشعر واحتارن الچلمات
لنـّك بالشعر من كل شعر اروع
ظمـّـيت العشگ وسط القصيده ابيات
وتفسـّـر هواك ابأول المطلع

يسلمووووووووووووووووووووو

عاشت ايديج والله

قصيدة روعة


وابيات ولا اجمل


تسلمين خيتوو


تحياتي

عاشت ايديج

الله الله على هالكلمات الرائعة سلمت يداك اختي العزيزة فعلا قصيدة رائعة ومعبرة ننتظر المزيد من الابداعات وارجو تقبل مروري المتواضع

تسلم ايدج و احساسج على هذه الابيات الجميله

تحياتى الج

سعــدني حضوركم أخواني ..

لكم مني كــل الود والآحترام

الف الف شكر
تحياتي لكم على الابداع المتواصل

كلمات في غاية الروعة
تدل على ذوق مالكها ...
تقبلي مروري المتواضع
*مشكلتي فقير*

شكراً على تعليقكم المُبهر لِ القلب

لكم مني كــل الود والاحترام ..