اقرأ
مهم جدا قبل القصيده
كمانعلم ان اسم العراق يكتب بكسر حرف العين
ومن هذا ولد حوار بين التلميذ والاستاذ فصار
الاستاذ تلميذ والتلميذ استاذ !!!!!!!
بدروس الوطن حاجني مره استاذ
وكلي اكتب عراق وهاك طبشوره
اكتبت اسم الوطن لوحه للتاريخ
وحروفه اكتبته بجمل أسطوره
بس حطلي المعلم غلط بتصحيح
وعالعين لوحض شفت مأشوره
كتله ادري السبب والعله ياستاذ
بخط اسم الوطن امثال مشهوره
ارد اكتب عراق بفتحه فوك العين
وعيب اكتب عراق بعين مكسوره
صفكلي المعلم جيد وممتاز
وكلي الفتحه تبقى بعين مسروره
حديقه اسم العراق بكل حروف البي
وكل نقطه عله قافه اصبحت نافوره
ارد اكتب وطن فوق المسله اهناك
وكلكامش يجيه وتنحيني اعصوره
سور الصين صح اعجاب بالتاريخ
واهرام بمصر للأن مأثوره
ميساون حرف من سومر وأور
ومن يشبه عراق بسومر وأوره
عجايب بالدهر سبعه معروفات
وحده الوحده بالتاريخ مذكوره
بس العدنه اعجبب والحير الكون
كبة حيدره البنجف مشهوره
منقول