نهر الحياه للشاعر احمد ابو طبيخ
شلتـه بحـال حزنـك مـن ضـحـك ســره
دمعه وشـوگ لامـرك مـن عبـر صبـره
شلتـه لـصـوت بــاچر والامــس حـيـاك
سـيـفــك والـنـهــار الگاحــــم بـنـحــره
شـلـتـه گلـــوب بـيــدك رحـمـتــك والآه
لــن ضـديــن شـايــل مـــاي والـجـمـره
يـالـفـارش عـبـاتـك حــيــل للـمـاشـيـن
ياهـو الـلاح عـطـرك مانـفـح عـطـره ؟
ياصرخـه وصداهـا الـوج ظـلام ابليـس
دايــر شــوف صـوتـك يـكـتـب ونـقــره
تمشي , الگاع صارت غوث بيك تروج
كـل روجـه بالـف بـركـان شگ صــدره
ياهو الگال انتـه اعلـه البسيطـه تسيـر
يـالـكـل البسـيـطـه بخـطـوتـك شــمــره
ثـابـت والـزمـن مـــن آدم ايـمــر بـيــك
مـاشــي وللقـيـامـه بـشــورك اتـعَـبــره
يانـهـر الـحـيـاة ابـكــل گلـــب مـجــراك
بــس گلــب الصـبـخ ماوالـمـك مـجــره
اگرب , والحـزن ثوبـه ومـلاذه الــروح
وافــرح مــن اسـولــف بـــأول الـعِـبـره
جيتـك مشتهاتـي وعَبرتـي اتشـب نــار
ياهـو الطـاف بأسمـك مانـزف عَـبـره ؟
احـلـم بـيـك اسـولـف والقـوافـي تـثـور
هــونــك , لاقـصـيــدة ولا بــحـــر گدره
احـلـم , والـسـوالـف ديـــدن الحـلـمـان
مــن اگرب يلـفـنـي برحـمـتـه وعـــذره
عـاشگ والجنـون ابحضرتـك قـامـوس
عابس من يطولـه ومارخـص عمـره ؟
اقـره وكــون لـنّـي ولـيـت تـلـحگ لیت
چنــت هـنــاك وزرع للـبـخـت شـجــره
حـايــر مـــن گربـتــك وابـتـعـد والگاك
منتـه اهنـا اهـنـاك ابـكـل شـبـر سُـفـره
عـانـي وتيهتـنـي وصــرت ادور ويـــن
كـلّــي الـتــاه مـنــي بيـاكـتـر كــتــره ؟