شيعوضني الدمع وانه الخسرته هواي
وعلى رملة امل كل عمري وشـــــلته
وانه الباكو نهاري ورحت ادوره بليل
والمسودن طبع ميعــــــوف سالفتـــــه
على نفس الدرب ذبولي بس الصوف
حته ارجع واكول ذياب ماكلتــــــــــه
وانه الماصبر والعطش مـــــــــاوازاه
دنت نفسه وذبح بالصحره راحــــــلته
كلب ماجنه كلبي جــــــــني متـــــبنيه
جرعته القهر مايـــــــــوم دللتــــــــــه
طفل من ايده اكوده وهوه يمشي ويــاي
وعلى ضحكه بكـــهف للــموت نــزلته
انقفل باب الصبر كد ما ادك عليـــــــه
مو خالي كرم؟ بس انه مللتــــــــــــــه
بعد ماهد سهم كون الطريده بعيــــــــد
مابيهه فخر لو اكول وصلتـــــــــــــــه
وشفت عصفور ميت كل جرح مابيه
حرت هذه المنيه شلون واصلتــــــــــه
شلت راسي وشفت بالشجره عش محروك
كلت هذه السبب والحركه كاتلتـــــــــه
ونفس موته متت والجسد لحد الـــروح
وحسرات الجفن وبدمعي غسلتــــــــــــه
وسحب سيفه الزمن هل من منازل صاح؟
اعزل ماخفت والــــــــــزمن نازلتـــــــه
مالحته ابد لــــــكن ترسني جـــــــــروح
بس عندي المهم ماعفته قاتلتـــــــــــــــه
بسك ياضميري الصار بيــــه هـــــــــــواي
بسك هالعمر مــــــــــايوم جامــــــلتــــــه
حذر بسوالفي نكلــــــة جـــدم صيـــــــاد
وسال خاطرك مـــــــــايوم جفلتـــــــــــه
كصبه عللجرف يدفعهــا روج الضـــــيم
ويحنيني الهوى بس طبعي عـــــــــــدلته
روحك هم مثل روحي....... بها ون
وتدور عالفرح كاعه ......بهاون
عشت عمري مثل كهوة .....بهاون
يدك والنار عين الها عليه
منقول